كتبت:مي شاهين
حل الفنان عزيز مرقة، ضيفًا على برنامج “معكم” التي تقدمه الإعلامية منى الشاذلي، ويعرض على قناة cbc.
وتحدث الفنان عزيز مرقة عن طفولته ودراسته حيث قال:”في مرحلة معينة وأنا عندي 17 سنة ولأسباب اجتماعية؛ لأن كان في بنت بحبها وعاوز أخطبها من أهلها فمكنتش عاوز أدرس موسيقى، كنت عاوز ادرس أي حاجة تمشي على هوا المجتمع”.
وتابع:”عشان أجيب معدل كبير يدخلني جامعة حكومية، لأن ده فيه فخر أكتر في الأردن، فمجبتش المجموع الكبير اللي عاوز أجيبه، كنت عاوز أجيب 90% جبت 82%، ده مجموع كبير برضه وأهلي كانوا فرحانين جدا لأن بالأصل مكنتش شاطر أوي….لكن أنا كنت زعلان”.
وأضاف:” وقتها أبويا قالي أنت زعلان ليه قلت له كنت عاوز أدرس إدارة أعمال في الجامعة الأردنية عشان حبيبتي، قالي أنت فاكر إن أنت في حياتك ممكن تبقى موظف! لو بقيت موظف هتبقى أهمل موظف في تاريخ المملكة الأردنية الهاشمية.. ادرس موسيقى لأنك مبتعرفش تبقى تحت إدارة حد.. مش هتقدر”.
وتحدث عن موقف وهو صغير حيث تاه من عائلته قائلاً:” مرة تهت.. ومرة وأنا عندي 7 سنين كنا عايشين في جزيرة في تونس فكنت عاوز أعوم للجزيرة ونزلت البحر لحد ما قابلني شخص ورجعني للشط.. وصلت لقيت أهلي متجمعين وبيبكوا إني غرقت، لما شافوني بقي في مزيج من الفرحة والغضب.. اللي هو ضرب وبوس مع بعض.. ومرة قررت أرجع من المدرسة لوحدي دون ما استناهم يجوا ياخدوني.
