كتبت:مي شاهين
تحدث المخرج محمد سامي في تصريحات تلفزيونية عن سبب إعجابه بزوجته مي عمر.
حيث قال:”أول حاجة لفتت نظري في مي هو جمالها وأن عندها حياء وكلامها قليل، ومعندهاش طباع موجودة عند ستات بتضايق لأنها مش حشرية ومش شخصية خفيفة بالعكس راسية”.
وتابع:”مي بتغير زي أي ست لكن مش بتهزق نفسها وتقل قيمة زعلها ومش عمال على بطال تفقد الحاجات قيمتها لكنها بتعزز قيمة الريأكشن وقيمة الزعل، ولما تتجاهلني تمامًا أعرف إنها زعلانة، والراجل الطبيعي مش مطلوب منه يخلي مراته تغير مطلوب منه يتصرف بشكل طبيعي”.
وأضاف :”عارفة إن كل الفنانات اللي بصور معاهم هما إخواتي وصحابي، وآخر عملين اشتغلتهم مع مي كانوا بالمحايلة علشان تكون معايا في المنطقة دي بتقول بناقص طالما الناس بتتكلم علينا”.
وأكمل حديثه قائلاً :” مي عمر حياتها مزيكا وحياتها هدوء وراحة أعصاب ولو هي شخصية مزعجة مكنتش هعرف أنجح النجاح ده لكنها بتدعمني وعاقلة ولذيذة وهي صاحبتي وأنا ماشي خارج من الحلقة لما بشوف حاجة عجبتني بصورها وأبعت ليها وهي كمان كده لأننا مش بننبسط غير مع بعض ومش بنضحك غير مع بعض”.
